Nasaan na yung dalawang buwan???

Pasukan na naman bukas. Natapos din ang bakasyon. Hindi ko naenjoy ng buo. Bakit? Kasi nung February, buong buwan akong giniginaw. Sino ba naman ang sisipagin na maglakwatsa kapag sumasakit ang ilong at ulo at ngipin dahil sa lamig? At nung March naman, ang pangit ng weather. Malamig pa rin, nagsnow pa, tapos umulan-ulan pa. Konti lang yung lakwatsa ko. Pero ok na rin, kasi konti din lang ang gastos.

Last day ng March, nagtrain ride kami mula Kyoto hanggang Hiroshima. Alas-sais ng umaga nasa loob na kami ng train. Sa loob na rin kami naglunch, sandwich lang naman. Almost 6 hours para pumunta sa Hiroshima. Nagtitipid kasi kami kaya dehins kami nagbullet train. Limang oras lang kaming namasyal sa Hiroshima. (Saka na lang ang pictures dahil nasa ibang camera.) Bago mag-five thirty nasa train na naman kami. Nagdinner kami ulit sa loob ng train, kumpletong meal. Tapos, bumili ng alcoholic drinks at nag-inuman kami sa train. Bagong experience na naman. Hanggang tingin lang ang mga ibang pasahero sa amin kasi wala kaming pakialam basta lumalaklak kami.

At bukas, resume na naman ang estudyante blues ko. May apat na units pa akong natitira. Dalawang subjects para sa thesis. Parang tinatamad na akong kumuha ng extra subjects. Kailangan ko lang magsipag talaga para makagawa ng papel at ng makapagbasa naman ako sa conference habang nandito.

Pero bago ang lahat, tatapusin ko muna ang KareKano anime series.