Fruits Basket # 17

Nabili ko na rin. Kalalabas lang niyang ngayong month. I am so excited. Nabasa ko na pero pahapyaw lang. Ang daming nakakalokang turn of events. Dun sa mga familiar sa anime series ng furuba, pinakilala na yung natirang dalawang juunishi character. Isang babae at isang lalake.

Ni wala sa hinagap ko na si ano-A ay isa palang babae!!! At lover niya si ano-B na may gusto kay ano-C na friend ni bida girl. At si ano-B ay may kagimbal-gimbal na secret na sinabi niya kay bida girl.

Sasabihin kaya ni bida girl sa iba ang nalaman niya?! Sa september pa ang next book... WAAAH!!!! I cannot contain this excitement. Ang tagal pa ng September!!!

NGEK!

Ngayon lang ako nakabasa ng article ni Ambeth Ocampo sa PDI. Alam ko kase na nasa area siya ng History at hindi naman ako masyadong naeexcite sa area na yan. Pero nahuli ako sa title. Ishare ko lang sa inyo ang isang part.

"Eat your chicken pride."

"Been there, been that."

"Burn the bridge when you get there."

"Annulled and void."

"What's your next class before this?"

"Give him the benefit of the daw."

At a McDonald's outlet, "How much is the kidney meal?"

"You're barking at the wrong dog."

Marami pa niyan. Basahin niyo na lang ang buong article dito at mag-enjoy.

Sangandaan

Tatlong taon. Isang grupo. Iba-ibang tao.
Marami na ang nagbago.

Nagsimula sa papraktis-praktis sa Aplaya
Sa kwartong saksi sa pagpapalaya
Hanggang ang diwa'y umabot sa Likha.

Panahong dumadaan
Dumadaming kaibigan
Tumitibay na samahan
Lumalawak na kaalaman
Sumasayang tugtugan
Lumalalim na unawaan

Sa dagundong ng agong
Sa kalampag ng kulintang
Sa palo sa pisngi ng drum
Bawat tunog mula sa kawayan

Nagtatagpo ang sanga-sangang kaisipan.

TULONG! HELP! WANTED!

kung may alam kayong site kung saan pwedeng magdownload ng mga transcripts ng congress at/o senate sessions, o kaya yung transcript ng impeachment trial ni erap o kaya yung inaugural speech niya, pahingi naman po ng address ng site. kailangang-kailangang ko lang. please, please, please... m(_ _)m

Turning Japanese(?)

Ilan sa aking mga realizations:

1. Alam ko na ang schedule ng mga bus at mga trains. At kung anong bus ang sasakyan ko para umabot sa specific time ng train, kasama ang oras ng paglakad =)

2. Nakakaramdam na ako ng inis kahit isang minuto pa lang late ang bus. Pwede kaseng hindi ko na maabutan ang susunod kong mga sasakyan.

3. Mahilig at madali talaga akong makatulog. Kahit saan. Bukod sa bahay, tulog ako sa jeep, sa tricycle katabi ng driver, sa bus. So hindi na kakaiba ang matulog ako sa train dito. Pero ang makatulog ng nakatayo?! Ibang talento na ito =)

4. Isa ng routine ang buhay ko. Gigising sa umaga, magprepare para umalis ng bahay at habulin ang bus. Madami na ngang familiar faces sa bus. Makakatulong kaya kung makikipagkilala na ako sa mga madalas kong makasabay?=)

5. Kaya ko nang kumain ng mag-isa sa canteen. Dati palagi ko kasing iniisip na malungkot. Tsaka pag kakain ka mag-isa sa canteen para stand-out ka. Foreigner na nga ako dito, mag-isa pa akong kumakain. Parang walang friends ba. Iniimagine ko din yung siksikan ang buong canteen pero yung table na gamit ko ako lang ang nandun. Parang pathetic. Pero wala palang pathetic-pathetic kapag kumalam na ang tiyan. Lalo na kapag tumitingin na sa iyo ang katabi mo sa computer room dahil sa "active" mong stomach.

Sa mga kilala kong hapon, babae man o lalaki habit na nila ang uminom bago matulog. Para maalis siguro ang pagod sa school o sa trabaho. Yung isa ko ngang sensei dati sa Pinas, overtime sa UP tapos pag-uwi kakain lang at iinom ng beer tapos matutulog na. Hindi na yata sila naglalabing-labing ni misis. Di ko alam kung sa lungkot o sa lamig pero ininom ko na ang isang can ng chu-hi kagabi bago ako matulog. Nakatulong naman. Nag-init naman ako. wehehehe.

6. Nagsasalita na ako mag-isa. Pero hindi pa naman sa labas ng bahay. Kapag nasa loob lang. Magkokoment sa mga pinapanood ko, etc. Minsan kase gusto ko lang icheck kung may boses pa ba ako dahil tunog lang ng tv at radio at kapitbahay ang naririnig ko pag mag-isa na ako sa kwarto.

---------------------

Sadista ang isang sensei ko dito. Pinagdownload kami ng Macbeth. Hindi para basahin kundi para i-edit. Sa corpus linguistics na subject ko. Hanapin daw namin ang mga punctuation marks.
Hindi kasi one-to-one ang correspondence ng mark sa function nito. Halimbawa, ang period may function na magsignify ng end ng isang sentence. May function din siya sa acronyms o abbreviations. Magkaibang period. So kailangang i-differentiate at magbigay ng distint symbols.
Buti sana kung ganyan lang. E ang apostrophe, tatlo ang alam kong iba't-ibang gamit nyan. Para ipakita ang possessive form (teacher's sadism); para sa contraction (doesn't, 'tis); at para sa quotation (ang tawag nila sa akin ay 'diosa').
Sino ba naman di maloloka dito?!
Buti na lang may pagka-masokista ako.

Gulat news

Hindi ako nakareact agad kagabi nang sinabi ni paeng na ang aking favorite cabinet member ay nagresign na din. Ito na ba ang uso ngayon? Kakaresign din lang ni Yorac at ni Corpus. Daddy Dayrit, bakit po kayo nagresign? Feeling close ako sa dating DOH secretary kase may short stint ako sa isang office nila - ang National Voluntary Blood Services Program. Hindi naman kami nagmeet. Sayang nga e.
Nang mabasa ko ang artik sa INQ7 tungkol sa pagreresign ni Dayrit, hindi ako mapalagay. Sabi niya "It is time for me to resign my post as health secretary and transfer leadership...". Naturally, hindi ka aalis sa isang field na ginagalawan mo kung alam mong okay naman ang ginagawa at marami ka pang pwedeng gawin para dun. And what is with the four years? Napagod na ba siya?
Hindi na siya magiging visible. Mababawasan na ng ginagaya si Michael V. sa Bubble Gang. =(

---------------------

Isa pang nakakagulat na balita ay nang malaman ko noong Mother`s Day nang tumawag ako kina mama na si Liezl na aking recently-married pinsan (last week lang ng April) ay jontis na!!! Naglilihi na daw. Nagulantang ang aking buhay. Pero happy ako siyempre for you, insan! Dagdag na naman sa ating angkan...

Naunahan na naman ako. 4 years yata ang tanda ko sa kanya.

Hoy IKAW!!! wala ka pa bang planong magpropose?! =p

Haaay...

Boracay sunset. Ang ganda-ganda naman...

Kahit di ako marunong lumangoy, mahal na mahal ko ang dagat...

Tuwing umuulan...

Matagal-tagal ding hindi nadiligan ang lupa. Hay naku. Iba talaga ang feeling pag umuulan. Kaninang umaga pa itong ulan dito, hanggang bukas yata, walang tigil. Umiiyak kaya ang langit dahil tapos na ang Golden Week? =)

Ang sarap makakita ng mga young labers dito. Hindi masyadong touchy. Kaya nakakawindang pag may nakikita ako na nagkikiss sa public! Waah! Inggit lang siguro ako...

Masarap magkulong sa bahay pag ganitong umuulan. Pwedeng manood ng tv, makinig sa radio at sumabay sa music, matulog, magbasa. Masarap ding uminom ng mainit na kape kahit hapon. Kaso wala naman dito si bunso para ipagtimpla ako ng kanyang masarap na kape =).

Kaso dito ako ngayon, nakakulong sa computer room, may hinahabol na deadline. Hehe. Break lang ito.

Kanta muna.

Tuwing Umuulan at Kapiling Ka

(Eheads version)

Pagmasdan ang ulan,

Unti-unting pumapatak sa mga halama't mga bulaklak

Pagmasdan ang dilim,

Unti-unting bumabalot sa buong paligid t'wing umuulan

Kasabay ng ulan bumubuhos ang 'yong ganda,

Kasabay rin ng hanging kumakanta

Maari bang huwag ka na

Sa piling ko'y lumisan pa hanggang ang hangi't ula'y tumila na

Buhos na ulan, aking mundo'y lunuring tuluyan

Tulad ng pag-agos mo,

'Di mapipigil ang puso kong nagliliyab

Pag-ibig ko'y umaapaw,

Damdamin ko'y humihiyaw sa tuwa

Tuwing umuulan at kapiling ka

Pagmasdan ang ulan,

Unti-unting tumitila

Ikaw ri'y magpapaalam na

Maari bang minsan pa, mahagkan ka't maiduyan pa

Sakbibi ka't ulan lamang ang saksi

Minsan pa ulan bumuhos ka't h'wag nang tumigil pa

Hatid mo ma'y bagyo, dalangin ito ng puso kong sumasamo

Pag-ibig ko'y umaapaw,

Damdamin ko'y humihiyaw sa tuwa

Tuwing umuulan at kapiling ka

(Oooohhh)

Maari bang minsan pa, mahagkan ka't maiduyan pa

Sakbibi ka't ulan lamang ang saksi

Buhos na ulan, aking mundo'y lunuring tuluyan

Tulad ng pag-agos mo,

'Di mapipigil ang puso kong nagliliyab

Pag-ibig ko'y umaapaw,

Damdamin ko'y humihiyaw sa tuwa

Tuwing umuulan at kapiling ka

Minsan pa ulan bumuhos ka't h'wag nang tumigil pa

Hatid mo ma'y bagyo, dalangin ito ng puso kong sumasamo

Pag-ibig ko'y umaapaw,

Damdamin ko'y humihiyaw sa tuwa

Tuwing umuulan at kapiling ka

Kinanta niyo ba yung Oooohhh?
Another wave of homesickness...
Walang katapusan...